Männliche B- & A-Jugend Training – mal anders
De Buam vo da männlichen B- und A-Jugend ham ihr Training diesmal ned in da Halle durchzogn, sondern san ins Berghotel Staufert in Böbrach bei Bernried aufbrocha, um dort eher ihre Bauchmuskeln auf a andere Art zu trainieren.
Aufn Tisch is a gscheids traditionells Reindl kemma, dazua a paar kühle Getränke – genau des, wos ma braucht für so an zünftigen Abend. Am Anfang war da Hunger riesig, und de Erwartung no größer, dass ma des ganze Essen locker schafft. Aber ja, wia’s hoid oft is: diesmal hod de Küch’n gwonna.
Trotzdem war’s a richtig guade Gaudi – es is vui gessen worn, no vui mehr glacht worn, und ganz nebenbei ham de Buam a ordentlich Kraft für de letzten Spiele tankt.
A Training, des ma so schnell ned vergisst!
